అత్తమామలను అడ్డంగా నరికిన అల్లుడు.. చివరకు భార్యను కూడా..!!

కాకతీయ, క్రైం డెస్క్: ఏపీలో దారుణం జరిగింది. తూర్పుగోదావరి జిల్లా నల్లజర్ల మండలం ఘంటావారిగూడెంలో అత్తమామలను దారుణంగా చంపాడు అల్లుడు. ఈ ఘటన స్థానికంగా కలకలం రేపింది. పోలీసులు తెలిపిన వివరాల ప్రకారం 12 సంవత్సరాల క్రితం రామకోటేశ్వరరావు, నాగేశ్వరికి పెళ్లి జరిగింది. ఏడాది క్రితం నాగేశ్వరి తన పుట్టింటికి వచ్చింది. ఈ క్రమంలో బుధవారం అక్కడికి వచ్చిన రామకోటేశ్వరరావు..మామా బాబురావు, అత్త శారదను కత్తితో దారుణంగా హతమార్చాడు. భార్యపై కూడా దాడికి ప్రయత్నించాడు. నిందితుడిని నల్లజర్ల పోలీసులు అదుపులోకి తీసుకున్నారు. ఈఘటనపై కేసు నమోదు చేసుకున్న పోలీసులు దర్యాప్తు చేపట్టారు.