కొలతల్లో తేడాలు రావద్దు
బల్దియా కమిషనర్ చాహత్ బాజ్ పాయ్
హంటర్ రోడ్ ప్రాంతంలో అసెస్మెంట్ లో కొలతల పరిశీలన
కాకతీయ, వరంగల్ : అసెస్మెంట్ లో నమోదు చేయబడిన కొలతల ప్రకారమే నిర్మాణాలు చేపట్టాలని, తేడాలు రావద్దని బల్దియా కమిషనర్ చాహత్ బాజ్ పాయ్ అధికారులను ఆదేశించారు. గురువారం హంటర్ రోడ్ ప్రాంతంలో శ్యాయంపేట జంక్షన్ విల్లాస్ రోడ్ భద్రకాళి బండ్ వైపు వేళ్ళు ప్రాంతాల్లో నమోదు చేసిన అసెస్మెంట్ ల కొలతలను కమిషనర్ క్షేత్ర స్థాయిలో పరిశీలించి సమర్థవంతంగా చేపట్టుటకు తగు సూచనలు చేశారు. ఈ సందర్భంగా బల్దియా రెవెన్యూ అధికారులు నమోదు చేసిన కొలతలను కమిషనర్ పునః పరిశీలించి నిర్ధారణ చేసి నమోదు తీరు పట్ల సంతృప్తి వ్యక్తం చేసి మాట్లాడుతూ నూతన నిర్మిత భవనలకు పర్మిషన్ డాక్యుమెంట్ ను పరిశీలించి అందుకు అనుగుణంగా కొలతలు నమోదు చేయాలని సూచించారు. కార్యక్రమంలో డిప్యూటీ కమిషనర్ రవీందర్, ఆర్ఐ రజనీ, వార్డు ఆఫీసర్ శిరీష, బిల్ కలెక్టర్ రాజేష్ తదితరులు పాల్గొన్నారు.
