సర్పంచ్ అభ్యర్థి కాకులమర్రి శ్రీలత ప్రచారానికి విశేష స్పందన

సర్పంచ్ అభ్యర్థి కాకులమర్రి శ్రీలత ప్రచారానికి విశేష స్పందన

కాకతీయ, ములుగు ప్రతినిధి : ములుగు జిల్లా ఏటూరు నాగారం గ్రామ సర్పంచ్ అభ్యర్థి కాకులమర్రి శ్రీలత ప్రచార కార్యక్రమానికి గ్రామ ప్రజల నుంచి విశేష స్పందన లభిస్తోంది. 6వ, 7వ వార్డుల్లో ఇంటింటికీ తిరిగి ప్రజలను పలుకరించిన సందర్భంగా అన్ని వర్గాల ప్రజలు ఆశీస్సులు, మద్దతు తెలియజేశారు. ప్రతి వీధిలో, ప్రతి ఇంటి వద్ద నుంచి ప్రజలు ముందుకు వచ్చి అభ్యర్థిని అభినందించడం, అభివృద్ధికి తమ మద్దతు ప్రకటించడం ప్రచారానికి ప్రత్యేక ఉత్సాహాన్ని తీసుకువచ్చింది. గ్రామ సంపూర్ణ అభివృద్ధి కోసం ప్రజలు ఎంతగా ఎదురు చూస్తున్నారో ఈ స్పందనే చెబుతోంది అని కార్యక్రమ నిర్వాహకులు పేర్కొన్నారు. ప్రజల ఆశీస్సులు, ఓటు మద్దతుతో విజయం సాధించి గ్రామ సేవను మరింత బలోపేతం చేస్తానని సర్పంచ్ అభ్యర్థి కాకులమర్రి శ్రీలత వెల్లడించారు. ప్రచార కార్యక్రమంలో ములుగు జిల్లా బీఆర్ఎస్ పార్టీ అధ్యక్షులు కాకులమర్రి లక్ష్మణ్ బాబు, బీఆర్ఎస్ సీనియర్ నాయకులు తుమ్మ మల్లారెడ్డి, పిఎసిఎస్ చైర్మన్ కూనూరు అశోక్ గౌడు, తాడూరి రఘు, మాదరి రామయ్య, సప్పిడి రామ్ నరసయ్య, కుమ్మరి చంద్రబాబు, జాడి బోజరావు, ఖలీల్, మెరుగు వెంకటేశ్వర్లు, అలాగే పార్టీ ముఖ్య నాయకులు, కార్యకర్తలు, మహిళలు పెద్ద ఎత్తున పాల్గొన్నారు.