అచీవర్స్‌ స్కూల్‌లో మెగా కంటి శిబిరం
కాకతీయ, కరీంనగర్ : అలయన్స్‌ క్లబ్స్‌ ఇంటర్నేషనల్‌ డిస్ట్రిక్ట్‌–137ఏ, అచీవర్స్‌ హైస్కూల్‌, వాసుదేవ హాస్పిటల్‌, సిద్ధి ఐ కేర్‌ సంయుక్తంగా నిర్వహిస్తున్న ఉచిత మెగా కంటి వైద్య శిబిరం శనివారం అచీవర్స్‌ స్కూల్‌లో ప్రారంభమైంది. ఈ సందర్భంగా అలయన్స్‌ క్లబ్స్‌ ఇంటర్నేషనల్‌ డైరెక్టర్‌, వాసుదేవ హాస్పిటల్‌ అధినేత డా. ఎలగందుల శ్రీనివాస్ మాట్లాడుతూ విద్యార్థుల్లో కంటి సమస్యలు పెరుగుతున్నాయని, ముఖ్యంగా విటమిన్–ఏ లోపం, పోషకాహారం తీసుకోకపోవడం కీలక కారణాలని పేర్కొన్నారు. ఆకుకూరలు, పోషకాహారం తప్పనిసరిగా తీసుకోవాలని సూచించారు. పాఠశాలలో ఉపాధ్యాయులు విద్యార్థుల దృష్టి సమస్యలను గుర్తించడం అవసరమని తెలిపారు. బ్లాక్‌బోర్డు స్పష్టంగా కనిపించక పక్క విద్యార్థి పుస్తకం చూసి నోట్స్‌ రాస్తే వెంటనే తల్లిదండ్రులకు సమాచారం ఇచ్చి కంటి పరీక్ష చేయించాలన్నారు. మొబైల్‌ ఫోన్ల అధిక వినియోగం కంటిజబ్బులు మరింత పెంచుతోందని హెచ్చరించారు.రెండు రోజులపాటు కొనసాగనున్న ఈ శిబిరంలో సుమారు వెయ్యి మంది విద్యార్థులకు ఉచిత కంటి పరీక్షలు నిర్వహించనున్నట్టు నిర్వాహకులు తెలిపారు.కార్యక్రమంలో డా. ఎలగందుల శ్రీనివాస్, జిల్లా గవర్నర్‌, స్కూల్‌ ప్రిన్సిపాల్‌ చెరిమల వెంకటేశ్వర్లు, ఆప్తాల్మాలజిస్ట్‌ డా. వై. జ్యోతి (సిద్ధి ఐ కేర్‌), ఇంజి. కోల అన్నారెడ్డి, కుమారస్వామి, నాగేశ్వర్‌, కొంజర్ల మహేష్‌, పులాల శ్యామ్‌, విద్యాసాగర్‌ రెడ్డి, సుధాకర్‌, పండుగ నాగరాజు, అడ్వ. సుద్ధపల్లి ప్రసాద్‌, నాజియా, రేణుక తదితరులు పాల్గొన్నారు.
