హామీలను నెరవేర్చలేని కాంగ్రెస్
దుర్మార్గుడి చేతిలో రాష్ట్ర ప్రభుత్వం
బతుకమ్మల చీరల పథకం పేరు మార్చి తెలంగాణ సంస్కృతిని దెబ్బతీశాడు
మాజీ మంత్రి ఎర్రబెల్లి దయాకర్రావు
పాలకుర్తి మండల బీఆర్ఎస్ నేతల సమావేశంలో సంచలన వ్యాఖ్యలు
కాకతీయ, పాలకుర్తి : ఎన్నికల సమయంలో కాంగ్రెస్ పార్టీ ఇచ్చిన హామీలను ఏ ఒక్కటిని సక్రమంగా అమలు చేయడం లేదని మాజీమంత్రి ఎర్రబెల్లి దయాకర్రావు అన్నారు. కష్ట కాలంలో మనవెంబడి ఉన్నవారే మన వారు .. సర్వేలన్నీ మన వైపే ఉన్నాయని అన్నారు. బీసీలను మెాసం చేసిందే ఈ కాంగ్రెస్ ప్రభుత్వం.. ఈ ప్రభుత్వం ఒక దుర్మార్గుడి చేతిలో పడి నాశనం అవుతోందని రేవంత్ రెడ్డిని ఉద్దేశించి అన్నారు. జనగామ జిల్లా పాలకుర్తి మండల బీఆర్ఎస్ పార్టీ విస్తృత స్థాయి సమావేశం పార్టీ నాయకులతో స్థానిక సంస్థల ఎన్నికల నేపథ్యంలో పాలకుర్తి మండలంలోని గ్రామ ఇంచార్జీలు నాయకుల వారీగా సన్నాహక సమావేశం నిర్వహించారు. ఈసందర్భంగా ఎర్రబెల్లి మాట్లాడుతూ బతుకమ్మ చీరల పంపిణిలో అంతా మోసమే జరుగుతోందన్నారు. బతుకమ్మ చీరల పేరు మార్చి మన తెలంగాణ సంస్కృతిని దెబ్బ తీసే ప్రయత్నం చేస్తున్నారని అన్నారు. ఈ సమావేశంలో ఎర్రబెల్లి మాట్లాడుతూ యూరియా కొరత వచ్చిందంటే ఈ ప్రభుత్వ అసమర్థతే కారణమని అన్నారు. కేసీఆర్ హయాంలో రాజుగా బతికిన రైతులు కాంగ్రెస్ పాలనలో పస్తులుండాల్సి వస్తోందన్నారు. ఎప్పుడు ఎన్నికల వచ్చినా కేసీఆర్ ముఖ్యమంత్రి కావడం ఖాయమని అన్నారు.
సర్పంచ్ ఎన్నికల్లో విజయం సాధించేందుకు ప్రతీ కార్యకర్త అంకితాభావంతో పనిచేయాలని అన్నారు. గడపగడపకు మన కార్యకర్త తిరిగి ఈ బోగస్ ప్రభుత్వం చేసిన హామీలను వాళ్లకు అర్థమయ్యే రీతిలో ప్రచారం చేయాల్సిన అవసరం ఉందని అన్నారు. కష్టపడ్డ ప్రతి కార్యకర్తకు తగిన గుర్తింపు లభిస్తుందన్నారు. త్వరలోనే గ్రామ కమిటీలు వేసి ప్రతీ కార్యకర్తకి శిక్షణ తరగతులు ఏర్పాటు చేస్తామన్నారు.
ఈ కార్యక్రమంలో నల్ల నాగిరెడ్డి, పాలకుర్తి మాజీ ఎంపీపీ పుస్కురి శ్రీనివాస రావు, పాలకుర్తి మాజీ జడ్పీటీసీ పల్ల సుందర్ రాంరెడ్డి, పాలకుర్తి మండల ఇంచార్జి బబ్బురి శ్రీకాంత్ గౌడ్, పార్టీ జిల్లా నాయకులు, పాలకుర్తి మండలంలోని బీఆర్ఎస్ పార్టీ అధ్యక్షులు, ఉపాధ్యక్షులు, మాజీ ముఖ్య నాయకులు, గ్రామ ఇంచార్జీలు,మండలంలోని ప్రతి గ్రామ పంచాయతీలలో యూత్ సోషల్ మీడియా నాయకులు పాల్గొన్నారు.
