- మాజీ మంత్రి వసత్యవతి రాథోడ్
- మహబూబాబాద్ బీఆర్ఎస్ కార్యాలయంలో దీక్షా దివస్
- కేసీఆర్ చిత్రపటానికి పాలాభిషేకం
కాకతీయ, మహబూబాబాద్ : చావు నోట్లో తలపెట్టి తెలంగాణ ప్రజల చిరకాల స్వప్నమైన రాష్ట్రాన్ని సాధించారని మాజీమంత్రి సత్యవతి రాథోడ్ అన్నారు. మహబూబాబాద్ బీఆర్ఎస్ పార్టీ జిల్లా కార్యాలయంలో శనివారం దీక్షా దివస్ కార్యక్రమం నిర్వహించారు. ఈ సందర్భంగా ప్రధాన అతిథిగా పాల్గొన్న మాజీ మంత్రివర్యులు సత్యవతి రాథోడ్ ఉద్యమ దశలను గుర్తు చేసుకున్నారు. తెలంగాణ ఉద్యమానికి నాంది పలికిన కేసీఆర్ ఆమరణ నిరాహార దీక్ష రాష్ట్ర విభజనకు శంకుస్థాపన చేసిందని, ఆ దీక్ష దేశ రాజకీయాలను ప్రజాస్వామ్యం దిశగా ఆకర్షించిందని అన్నారు. తెలంగాణ తొలి ముఖ్యమంత్రిగా అనేక సంక్షేమ పథకాలను ప్రవేశపెట్టి రాష్ట్రాన్ని దేశంలో అభివృద్ధి సూచికల్లో ముందంజలో నిలబెట్టిన ఘనత కేసీఆర్ దేనని తెలిపారు. రైతు కోసం రైతుబంధు, రైతు బీమా వంటి పథకాల ద్వారా దేశానికి అన్నం పెట్టే రైతన్నకు గౌరవం తీసుకువచ్చిన నాయకుడు కేసీఆర్ అని ప్రశంసించారు.
కార్యక్రమంలో బీఆర్ఎస్ నేతలు తెలంగాణ తల్లి విగ్రహానికి పూలమాలలు వేసి జై తెలంగాణ నినాదాలతో ఉద్యమ జ్ఞాపకాలను తలచుకున్నారు. అనంతరం కేసీఆర్ చిత్రపటానికి మాజీ మంత్రి సత్యవతి రాథోడ్ పాలాభిషేకం చేశారు. ఆనాటి ఉద్యమ జ్వాలల్ని మరోసారి గుర్తుచేసుకుని, కేసీఆర్ గారిని తిరిగి ముఖ్యమంత్రిగా చేసి తెలంగాణను కాపాడుకోవాలి, అని సత్యవతి రాథోడ్ పిలుపునిచ్చారు. తెలంగాణ సమాజానికి దీక్షా దివస్ శుభాకాంక్షలు తెలియజేశారు.
తరువాత తెలంగాణ ఉద్యమకారులను ఘనంగా సత్కరించారు. కార్యక్రమంలో మాజీ ఎంపీ, జిల్లా బీఆర్ఎస్ పార్టీ అధ్యక్షురాలు మాలోత్ కవిత, ఎమ్మెల్సీ తక్కల్లపల్లి రవీందర్ రావు, మాజీ ఎమ్మెల్యేలు రెడ్డి నాయక్, బానోత్ శంకర్ నాయక్, మాజీ జడ్పీ చైర్మన్ అంగోత్ బిందు, మాజీ ఒడీసీఎంఎస్ చైర్మన్ కుడితి మహేందర్ రెడ్డి, పర్కాల శ్రీనివాస్ రెడ్డి, మాజీ మున్సిపల్ చైర్మన్ పాల్వాయి రామ్మోహన్ రెడ్డి, వైస్ చైర్మన్లు యండి ఫరీద్, మార్నేని వెంకన్న, బొడ శ్రీను, నెహ్రు నాయక్, అల్లూరి కిషోర్ వర్మ, కత్తుల ఏలేందర్, అర్జున్ చౌహన్, బాలు, మార్నేని రఘు, కె ఎస్ ఎన్ రెడ్డి, దుర్గేశ్, ముత్యం వెంకన్న, ఊకంటి యాకుబ్ రెడ్డి, బానోతు రవికుమార్, కాజా మియా, బండి దీపక్ గౌడ్, కన్న, జీవన్, బొమ్మకంటి వెంకట్ గౌడ్ తదితరులు పాల్గొన్నారు.
