గోవిందాపురంలో దీక్ష దివాస్
కాకతీయ, నల్లబెల్లి : రాష్ట్ర సాధన యజ్ఞంలో అహర్నిశలు శ్రమించి విలీన ఉద్యమానికే ప్రాణం పోసిన కేసీఆర్ సంకల్పాన్ని స్మరించుకుంటూ గోవిందాపురం గ్రామంలో బీఆర్ఎస్ మండల పార్టీ ఆధ్వర్యంలో దీక్ష దివాస్ ఘనంగా నిర్వహించారు. కేసీఆర్ తెలంగాణ ఉద్యమ కాలంలో చూపిన ధైర్యం, పట్టుదల, ప్రజల కోసం చేసిన నిస్వార్థ పోరాటాన్ని స్మరించుకుంటూ నాయకులు, కార్యకర్తలు దీక్షలో పాల్గొన్నారు. “తెలంగాణ కోసం శ్వాసించిన నాయకుడు కేసీఆర్… ప్రజల కోసం నడిచిన అడుగులకు నేటికీ దారిదీపమే” అని పలువురు నాయకులు భావోద్వేగంగా పేర్కొన్నారు. కార్యక్రమానికి మండల పార్టీ అధ్యక్షుడు బానోతు సారంగపాని, చెట్టుపెల్లి మురళీధర్, మాజీ ఎంపీపీ కక్కేర్ల శ్రీనివాస్, మాజీ మండల పార్టీ అధ్యక్షుడు ఊడుగుల ప్రవీణ్ గౌడ్, మాజీ సర్పంచ్ కరివేదుల వెంకటరెడ్డి, మాజీ ఎంపీటీసీ దేవ్ సింగ్, గ్రామ పార్టీ అధ్యక్షులు మోతిలాల్, మంజిలాల్, ఇతర నాయకులు సురేష్, సంపత్ రావు తదితరులు హాజరయ్యారు.
