మనస్తాపంతో ఉరి వేసుకుని వ్యక్తి ఆత్మ‌హ‌త్య‌

మనస్తాపంతో ఉరి వేసుకుని వ్యక్తి ఆత్మ‌హ‌త్య‌

కాకతీయ, రాయపర్తి : కుటుంబ పోషణ భారమై పిల్లల పెళ్లిళ్ల చేయలేనని మానసికంగా కృంగిపోయి తీవ్ర మనస్తాపానికి గురైన వ్యక్తి ఉరి వేసుకొని మృతి చెందిన సంఘటన వరంగల్ జిల్లా రాయపర్తి మండలం కొత్తూరు గ్రామంలో చోటుచేసుకుంది. పోలీసులు తెలిపిన వివరాల మేరకు కొత్తూరు గ్రామానికి చెందిన భీమని రామలచ్చమ్మ భర్త సాయిలుకు నలుగురు కుమారులు ఉన్నారు.రెండవ కుమారుడు భీమని యాదగిరి(52) ఆర్థిక ఇబ్బందులతో చెట్టుకు ఉరి వేసుకొని ఆత్మహత్యకు పాల్పడినట్లు తెలిపారు. ఈనెల 25న మంగళవారం రోజు ఉదయం 9 గంటలకు ఇంట్లో నుంచి వెళ్లిన యాదగిరి తిరిగి రాలేదని కుటుంబ సభ్యులంతా ఊరంతా గాలించారు. సాయంత్రం 5 గంటలకు ఇదే గ్రామానికి చెందిన మహంకాళి ఎల్లయ్య తన పొలం వద్దకు వెళ్తున్న క్రమంలో యాదగిరి చెట్టుకు వేలాడుతుండడం గమనించి కుటుంబ సభ్యులకు సమాచారం అందిచాడన్నారు. ఘటన స్థలానికి కుటుంబ సభ్యులు చేరుకోగా అప్పటికే యాదగిరి మరణించాడని గుర్తించినట్లు మృతుడి తల్లి రామలచ్చమ్మ తెలిపిందన్నారు.ఆమె ఫిర్యాదు మేరకు కేసు నమోదు చేసుకుని మృతదేహాన్ని పంచనామా అనంతరం కుటుంబ సభ్యులకు అప్పగించినట్లు స్థానిక ఎస్సై ముత్యం రాజేందర్ తెలిపారు.