శ్రీ భద్రకాళి దేవస్థానంలో భక్తుల ఆగ్రహం…
పూలమాల లేకుండా దర్శనమిస్తున్న భద్రకాళి అమ్మవారు…
కాకతీయ, వరంగల్ సిటీ : వరంగల్ శ్రీ భద్రకాళి దేవస్థానంలో అమ్మవారిని దర్శించుకోవడానికి వస్తున్న భక్తుల ఆగ్రహం వ్యక్తం చేస్తున్నారు. భద్రకాళి అమ్మవారికి పూలమాలతో అలంకరణ లేకపోవడం, మరోవైపు భక్తులు పూలమాల తీసుకొచ్చి ఇస్తేనే అమ్మవారికి అలంకరణ చేస్తారా అని భక్తులు ప్రశ్నిస్తున్నారు. పూలమాలతో అలంకరణ లేకుండానే భక్తుల దర్శనార్థం అమ్మవారిని ఉంచడం ఏమిటని ఆగ్రహం వ్యక్తం చేస్తున్నారు. లక్షల రూపాయల ఆదాయం ఉన్న భద్రకాళి ఆలయంలో ఇలా నిర్లక్ష్యంగా వ్యవహరించడమెంటని భక్తులు అధికారులు, పాలకమండలిపై మండిపడుతున్నారు.
