విద్యుత్ అధికారుల పొలం బాట

కాకతీయ, లక్షెట్టిపేట : సమస్యలను క్షేత్రస్థాయిలోనే తెలుసుకొని పరిష్కరించేందుకు విద్యుత్ శాఖ అధికారులు బుధవారం మండలంలోని ఉత్కూర్ గ్రామంలో పొలంబాట నిర్వహించారు. ఈ సందర్భంగా రైతులను విద్యుత్ సిబ్బంది కలిసి వంగిన పోల్స్ సరి చేయడం, ట్రాన్స్ఫార్మర్ల వద్ద ఎర్తింగు, లూస్ లైన్స్ సరిచేశారు. అనంతరం ఏ డి ఈ ప్రభాకర్ మాట్లాడుతూ.. రైతులు పొలాలలోని మోటార్లకు కెపాసిటర్లు అమర్చుకోవాలని దాని ద్వారా నాణ్యమైన విద్యుత్ అందుతుందన్నారు. ఏమైనా సమస్యలు ఉంటే రైతులు విద్యుత్ సిబ్బందికి తెలియజేయాలని అగ్రికల్చర్ కు నాణ్యమైన విద్యుత్ అందియడమే తమ లక్ష్యమన్నారు. ఈ కార్యక్రమంలో ఏ ఈ గణేష్, నర్సింగ రావు, సత్యనారాయణ, రవికుమార్, రాజమౌళి మరియు స్థానిక విద్యుత్ సిబ్బంది రైతులు పాల్గొన్నారు..